നീണ്ട നെടുവീര്‍പ്പുകള്‍ക്കിടയിലെ വാചാലമായ മൗനം ....
നിദ്രയിലെവിടെയോ പേടിപ്പിക്കുന്ന മുഖവുമായെത്തുന്ന ദു:സ്വപ്നങ്ങള്‍ ....
പുറത്തുവരാനാകാതെ തൊണ്ടയില്‍ കുടുങ്ങി ശ്വാസം കിട്ടാതെ പിടയുന്ന വാക്കുകള്‍ ...
ഉത്കണ്ഠകള്‍,വേദനകള്‍, നിരാശകള്‍ ...'ഇതെന്റെ പ്രണയം '
നിറമില്ലാത്ത പ്രതീക്ഷകളും വിലയില്ലാത്ത വാഗ്ദാനങ്ങളും
എനിക്കേകിയ മഹാ മഠയത്തരം !!......
ഒരു തുള്ളി കണ്ണീര്‍ എനിക്ക് കനിഞ്ഞു കിട്ടിയെങ്കില്‍
ഒരു ജന്മത്തിന്റെ വേദന മുഴുവന്‍ ഞാനതില്‍ ഒഴുക്കിക്കളയുമായിരുന്നു....
പിന്നെ ലോകത്തിന്റെ ഇരുളടഞ്ഞ ആരോരുമില്ലാത്ത കോണിലേക്കോടിയോളിക്കുമായിരുന്നു
അവിടെ ചിന്തകള്‍ക്കൊരു ശവകുടീരം തീര്‍ക്കുമായിരുന്നു..
പ്രണയം ഒരു നോവാണ് ......ഉള്ളില്‍ കടലുപോലെ ഇളകി മറിയുന്ന നൊമ്പരം ....
ഇനി ഞാന്‍ പ്രണയിക്കില്ല.....
No comments:
Post a Comment